Қадір түнін қалай өткіземіз?
1. Дайындық. Қадір түні – аса қасиетті әрі қадірлі түн. Сондықтан бұл мерекеге алдын-ала мынадай дайындықтар жасағанымыз жөн:– Рамазан айында бастаған Құранды аяқтап, хатым еткен дұрыс.– Пайғамбарымыз (с.ғ.с.): «Дүниеде ризық-несібесінің мол болуын, өмірінің ұзақ болуын қалаған адам туысымен тату болсын» және «Туысынан қол үзген адам жәннатқа лайық емес» -деген. Сондықтан ренжіскен кісілер болса тезірек татуласу – Қадір түніне дайындықтың бірі.– Қадір түні ерекше түн болғандықтан рухани және сырттай дайындалған жөн. Рухани дайындық – ниеттеніп Алладан іштей жақсы дұға тілеу болса, сырттай дайындық – дәрет алып, Құран оқу т.с.с. болмақ.2. Ұйқысыз өткізу.Бір хадисте: «Кім Қадір түнін шын иман және ықыласпен ұйқысыз өткізсе, оның бұрын-соңды істеген күнәлары кешіріледі»,- делінген.3. Намаз оқу.Пайғамбарымыз (с.ғ.с.): «Кімде кім Қадір түні бір сағат немесе қойшы қойдың қарнын тойдырғанындай шамада намаз оқыса, Алла тағалаға жыл бойы ораза ұстағанынан артық болады» -деген.4. Құран оқу.Тағы бір хадисінде: «Қадір түні Құраннан бір аят оқу басқа кезде Құранды толық хатым етіп оқығаннан жақсы» -деген.5. Тәубе ету.Пайғамбарымыздың (с.ғ.с.) Әнас (р.а) жеткізген мына бір хадисінде: «Адам баласының әрбірі қателеседі, олардың ішіндегі ең жақсысы – тәубе еткендері» делінген.Тәубе ету дұғасы: «Әстағфирруллаһ әл азийма уә әтуубү иләйк».6. Дұға ету.Осы түні Құраннан, хадистен келген және өз тілектеріңізді көп-көп қайталап, табанды түрде Алладан тілеңіз. Қадір түні дұғасы: «Аллаһума иннәкә афуун тухиббул афуа фаъфу аннии». «Алла тағалам! Сөзсіз, Сен кешірімдісің. Кешіргенді жақсы көресің. Мені де кешіре гөр!».7. Тәсбих және салауат айту.Мыс: «Субханаллаһ» (Алла пәк), «Әлхамдулиллаһ» (Аллаға мадақ), «Лә иләһә илләллаһ» (Алладан басқа Тәңір жоқ), «Аллаһу әкбар» (Алла ұлы).Салауат: " Аллаһүммә салли уә саллим уә бәрик аләә сәйидинә Мухаммадин уә аләә али сәйидинә Мухаммад".8. Садақа беру.«Дүниелеріңді зекетпен қорғаңдар, науқастарыңды садақа берумен емдеңдер, бәле-жала толқынын дұға тілекпен тойтарыңдар» (Ибн Масғұд (р.ғ.) жеткізген хадис).Міне, осы аталған ізгі амалдарды орындап Жаратушымыз Қадір түнінде сауапқа кенелуімізді жазсын!
